बोक्या बिझनेसवुमन …

माझ्या बहिणीची धाकटी कार्टी सई. मागच्या वेळी पुण्यात गेलो होतो तेव्हा एक दिवस इस्कॉन मंदिरात गेलो कात्रजच्या. बहिणीकडे स्विफ्ट डिझायर आहे. सईला चिडवायचे म्हणून म्हणालो …

‘बोक्या, मी माझी बीट तुझ्या बाबाला देणार आहे आणि त्याची डिझायर मी घेणार आहे.’

वाटलं नेहमीप्रमाणे बोक्या फिस्कारणार. पण आजीबाई शांतपणे म्हणाल्या…

‘अरे काकड्या, डिझायर किती जुनी झालीय बघ. (पावसाचे दिवस असल्याने गाड़ी घाण झालेली). तू एक काम कर ना. नाना काकाने नवी आल्टो घेतलीय, तू ती घेवून जा. तुझी बीट दे मला. बाब्या डिझायर घेवून ऑपिसला गेला की मला आणि पूर्वा ताईला रिक्षाने जावे लागते शाळेत. उपयोगी येईल.”

मी चाटच पडलो. म्हटलं, “ढमे, नानाकाकाची गाड़ी मी घ्यायची, माझी गाड़ी तुला द्यायची. मग नाना काका ऑफिसला कसा जाणार?”
तर डोळे मिचकावत बोका म्हणतो, ” तो जाईल ना अजीता काकुच्या एक्टीव्हा वर बसून!”
त्यावेळी टिपलेली बोक्याची ही मिस्किल आणि चालू अदा…